பூக்களை கிள்ளாதே! சுட்டவை.... National orchid garden Singapore 28.09.2010

பூக்களை கிள்ளாதே! சுட்டவை.... National orchid garden Singapore 28.09.2010

பூக்கள் என்றாலே ஒரு தனி அழகுதான் போங்க. பூக்களை பார்த்ததும் பலருக்கு பூவை கிள்ளி மோகர்ந்து பார்க்கனும்போல ஆசை வரும். ஆனால் ஒன்றுங்க அழகா இருக்கின்ற பூக்கள் எல்லாம் நறுமனத்துடன் இருப்பதில்லை. அது போல நறுமனத்துடன் இருக்கும் பூக்கள் எல்லாம் அழகுன்னு சொல்லவும் முடியாது. ( பெண்களில் அழகும் குணமும் போல)..... பூக்களில் எல்லா மனமும் நமக்கு பிடிக்கும் என்றும் சொல்லவும் முடியாது. அதனாலே என்னெவோ பெண்களை பூவோடு உவமைப்படுத்தி அந்த காலமுதல் சொல்லியுள்ளார்கள். எந்த பூ உங்களுக்கு பிடிக்கின்றது என்று நீங்களே சொல்லுங்கள். அதற்கு மனமுண்டு என்று என்னால் சொல்ல முடியாது. அதற்கு பொருப்பு நீங்கள்தான். இங்கே கொடுக்கப்பட்ட படங்களின் அளவுகள் 15% தான். உங்களுக்கு அதன் முழுமையான அளவிற்கு தேவை என்றால் மின்னஞ்சல் செய்யுங்கள் அனுப்பி வைக்கப்படும்... இன்னும் சில படங்கள் அடுத்த பதிவில் வரும்...

சுட்டவன்....
அன்புடன்,
ஆ.ஞானசேகரன்.

Adobe Photoshop ல் பென் (Pen Tool) டூலை பற்றி ஒரு கண்ணோட்டம் ஒலியும் ஒளியில்...

Adobe Photoshop ல் பென் (Pen Tool) டூலை பற்றி ஒரு கண்ணோட்டம் ஒலியும் ஒளியில்...

வணக்கம் நண்பர்களே!
பென்(Pen Tool) பற்றி பதிவிட வேண்டும் என்ற எண்ணம் இருந்தது, நேரம் இல்லா காரணங்களால் பதிவிட முடியாமல் போனது. நமது வலை நண்பருக்கு பென் டூலை பயன்படுத்தும் பொழுது ஏற்ப்பட்ட சந்தேகங்களை மின்னஞ்சல் மூலம் கேட்டிருந்தார்கள். அவர்களுக்கு மின்னஞ்சலில் பதில் சொல்லிவிட்டேன். இருப்பினும் இன்னும் பலருக்கு இதுபோல சந்தேகம் இருக்கலாம். எனவேதான் இந்த பதிவை கொடுக்கின்றேன். நானும் இன்னும் முழுமை பெறா பயிற்சியாளன் என்பதால் உங்களோடு சேர்ந்து பயிற்சி பெற முடியும் என்ற ஆசையால் இந்த பகிர்வுகள்.


புகைப்படத்தில் தேவையான பகுதியை தேர்வு செய்ய முக்கியமான அதிலும் துள்ளியமான டூல் என்னவென்றால் என்னை பொருத்தவரை பென் டூல் தான். இவற்றை பயன்படுத்த கொஞ்சம் பயிற்சி வேண்டும். பழகிவிட்டால் இதைவிட சுலபம் வேறு இல்லை என்றே சொல்லலாம். விளக்கும் விதம் எழுத்தை விட ஒலியும் ஒளி அமைப்பில் இருந்தால் நல்லாயிருக்கும் என்ற எண்ணத்தில் ஒலி ஒளியுடம் பதிவு செய்துள்ளேன். அவற்றை பார்க்க கீழ்கண்ட சுட்டியை சுட்டி பதிவிறக்கம் செய்து play பன்னி பார்க்கவும். .exe கோப்பு என்பதால் இதனை play பன்ன player தேவையில்லை...

Pen Tool பற்றிய ஒரு கண்ணோட்டம் ஒலியும் ஒளியும்....

சிரமங்கள் இருந்தால் தாராளமாக சொல்லுங்கள் மாற்றியமைக்க முயற்சி செய்கின்றேன்.

அன்புடன்,
ஆ.ஞானசேகரன்.

சுட்டவை சில 25-09-2010 (Chinese and Jappanes Garden SINGAPORE)

சுட்டவை சில 25-09-2010 (Chinese and Jappanes Garden SINGAPORE)













அன்புடன்,
ஆ.ஞானசேகரன்.

Adobe Photoshop மூலம் புகைப்படத்தை lens correction மற்றும் match color மூலம் அழகு படுத்த.....

Adobe Photoshop மூலம் புகைப்படத்தை lens correction மற்றும் match color மூலம் அழகு படுத்த....

வணக்கம் நண்பர்களே!
Pit குழுவினர் நடத்திய "வளர்ப்பு பிராணிகள்" புகைப்பட போட்டியில் எனது புகைப்படமும் பத்தில் ஒன்று தேர்வாகியுள்ள மகிழ்ச்சியை உங்களோடு பகிர்கின்றேன். சுட்டியை சுட்டி பார்க்கலாம் செப்டம்பர் மாதப்போட்டி - முதல் பத்து வளர்ப்புப் பிராணிகள்


இந்த பதிவில் Adobe Photoshop மூலம் புகைப்படத்தை lens correction மற்றும் match color மூலம் அழகு படுத்துவதை பற்றி பார்க்கலாம். பொதுவாக புகைப்படம் எடுக்கும் பொழுது ஒளி மற்றும் சூழல்கள் முக்கியம். பல சமையங்களில் அப்படிப்பட்ட சூழ்நிலைக்காக காத்திருக்க வேண்டி வரும். சில சமயம் புகைப்படம் நாம் எதிர்ப்பார்க்கும் அளவிற்க்கு இருக்காது. அப்படிப்பட்ட சமயங்களில் நமக்கு பெரிதும் உதவுவது போட்டோசாப் மென்பொருள்தான்.

கீழ்யுள்ள படத்தை கவணியுங்கள்,... இது ஒரு மாலை பொழுதில் உயரமான கட்டிடங்கள் உள்ள இடத்தை புகைப்படம் எடுத்தேன். (இடம்: சிங்கப்பூர் ராபில்ஸ் பிளேஸ்)


மாலை பொழுதில் சிறிய வெயில் உள்ள நிலையில் எடுத்தாலும் அதன் ஆகாய அமைப்பும் மற்றும் கலரும் சரியாக அமையவில்லை. அதே போல புகைப்படம் எடுக்கப்பட்ட தூரம் மிக அருகில் என்பதால் அதன் உயரத்தை சரியாக எடுக்க முடியாமல் கேமராவை தூக்கி வைத்தாற்போல எடுக்கப்பட்டுள்ளது. அதனால் கட்டிடங்கள் சாய்வாக தெரிகின்றது. மேலே சொன்ன குறைகளை ஓரளவிற்கு சரிசெய்து அழகுப்படுத்த போட்டோசாப் மென்பொருள் உதவும். அவற்றைப் பற்றி பார்க்கலாம். மேற்கண்ட புகைப்படத்தை காலை மஞ்சள் வெயிலில் எடுத்து போல செய்யலாம்.......

முதலில் புகைப்படத்தை Adobe Photoshop ல் திறக்கவும். ஒரு லேயர் நகல் எடுத்துக்கொள்வது நல்லது. பின்னர் Filter -> Distort -> Lens correction ஐ தேர்வு செய்யவும்



இப்பொழுது கீழ்கண்ட மற்றொரு விண்டோ வரும். இந்த விண்டோவை பயன் படுத்தி lens correction செய்யலாம். transform பட்டனை நகர்த்தி சரிப்பன்னவும். பின்னர் அந்த விண்டோவில் கீழ் உள்ள பகுதியில் Edge Extension ஐ தேர்வு செய்து ok கொடுக்கவும்.



இப்பொழுது சாய்வாக இருந்த கட்டிடம் கொஞ்சம் நிமிர்ந்து இருக்கும். பின்னர் Filter -> Render -> Lens Flare தேர்வு செய்யவும். ஒரு சிறிய விண்டோ திறக்கும் அதில் நமக்கு தேவையான இடத்தில் ஒளி வட்டத்தை வைத்து ok கொடுக்கவும். நாம் நினைத்த ஒளியுடன் கூடிய புகைப்படம் தெரியும்... இன்னும் மஞ்சள் வெயிலாக தோற்றம் கொள்ள Match color செய்ய வேண்டும்..



இப்பொழுது என்னிடம் உள்ள மஞ்சள் வெயில் கொண்ட புகைப்படம் ஒன்றையும் Adobe Photoshop ல் திறந்துக்கொண்டேன். தற்பொழுது இரண்டு புகைப்படம் இருக்கும்..



பின்னர் கீழேயுள்ள புகைப்படத்தை கவணியுங்கள். முதல் படத்தை தேர்வு செய்துக்கொண்டு Image -> Adjustments -> Mach color ஐ தேர்வு செய்யவும்.


அப்படி தேர்வு செய்ததும் கீழ்யுள்ள படம் போல ஒரு விண்டோ திறக்கும். அந்த விண்டோவில் கீழே கவணித்தால் Source என்ற இடத்தில் இரண்டாவது புகைப்படத்தின் எண்ணை தேர்வு செய்து ok கொடுக்கவும். இப்பொழுது இரண்டாவது புகைப்படத்தின் நிறம் நாம் செய்ய வேண்டிய முதல் படத்தில் இருக்கும். அதை மேலும் மெருகேற்றி அழகுப்படுத்தலாம்.



கீழேயுள்ள புகைப்படம்தான் நமக்கு தேவையான படம். புகைப்படத்தை பெரிதாக பார்க்க அவற்றில் மேல் தட்டவும்....

பிடித்திருந்தால் சொல்லிட்டு போங்க,.... சந்தேகம், தவறு இருந்தால் சொல்லுங்கள்...

அன்புடன்,
ஆ.ஞானசேகரன்.

புகைப்படத்தில் Background (பின்ணனி)

புகைப்படத்தில் Background (பின்ணனி)

"சுவர் இருந்தால்தான் சித்திரம்" என்று சொல்லுவார்கள் அது போல ஒரு புகைப்படம் பார்ப்பவர்களை கவர்கின்றது என்றால் அதன் பின்புலமும் முக்கிய காரணியாக இருக்கும். அதனால்தான் புகைப்படம் எடுக்கும்பொழுது மிக முக்கியமாக கவணிக்க வேண்டியது அதன் பின்ணனி காட்சிகள். பின்ணனி காட்சிகளை படம் எடுக்கப்படும்பொழுது சரியாக அமையாவிட்டால் அதன் பின் காட்சிகளை "புகைப்படம் மென்பொருள்" மூலம் அதனை அழகுப்படுத்துவதும் உண்டு. அதற்கு பெரிதும் பயன் படுவது Adobe Photoshop என்ற மென்பொருள். அப்படி அழகுப்படுத்துவதை பற்றிய என் முந்தைய பதிவுகள்

புகைப்படத்தில் Blurred Background மற்றுமொரு உத்தி...
புகைப்படத்தில் Blurred Background (Average)....

மேலேயுள்ள சுட்டிகள் புகைப்படம் எடுத்த பின் அழகு படுத்துகின்ற உத்திகள். மேலும் பல பின்ணனி படங்களை சேர்ப்பதன் மூலமும் அழகுபடுத்தலாம். அப்படிப்பட்ட பின்ணனி படங்கள் இணையத்தில கொட்டிகிடக்கின்றது என்றே சொல்லலாம். அப்படிப்பட்ட பின்ணனி படங்களை பார்க்க கீழ்யுள்ள சுட்டியை சுட்டுங்களேன்.

பின்ணனி படங்கள்...


இந்த பகுதியில் புகைப்படம் எடுக்கும் பொழுதே பின்ணனியும் (Background) சிறப்பாக அமைய என்ன காரணிகள் பயன்படுத்தலாம் என்பதை பார்க்கலாம். Aperture லென்சின் விட்டத்தை பயன் படுத்தி பின்ணனியை சிறப்பாக்கலாம். அதே போல Shutter speed தேவையான அளவு அதிகப்படுத்தி சிறப்பாக எடுக்கலாம். Aperture value சிறிதாக்கி பின்ணனியை Blur ஆக்கலாம். அதேபோல் Shutter speed அதிகப்படுத்தும் பொழுதும் பின்ணனியை Blur ஆக்கலாம். மேற்கண்ட இரண்டு உத்திகளை விட சிறந்த ஒரு பின்ணனி (Background) என்னவென்றால் புகைப்படம் எடுக்கும் பொழுது நீர் நிலைகளையோ, ஆகாயத்தையோ பயன் படுத்தினால் சிறப்பாக இருக்கும். ஆகாயம் மற்றும் நீர்நிலைகளை போல சிறந்த பின்ணனி இல்லை என்றே சொல்லலாம். அதே போல தூரத்து இருள், தூரத்து பச்சையும் நன்றாக இருக்கும். இப்படி மேற்கண்ட உத்திகளை பயன்படுத்தி நான் எடுத்த புகைப்படங்கள் கீழே கொடுத்துள்ளேன்..... மேலும் விளக்கங்கள் தேவையெனில் பின்னூட்டங்களில் சொல்லுங்களேன்....


அன்புடன்
ஆ.ஞானசேகரன்.

PiTன் செப்டம்பர் 2010 புகைப்பட போட்டிக்காக("வளர்ப்பு பிராணிகள்")

PiTன் செப்டம்பர் 2010 புகைப்பட போட்டிக்காக("வளர்ப்பு பிராணிகள்")



புகைப்படத்தை பார்த்தீர்கள் குறைகளை சொல்லிட்டு போங்க...

அன்புடன்
ஆ.ஞானசேகரன்